Drita shënon fitoren e parë këtë edicion, kampionia mposhti Prishtinën e Re

16:56 | 21 Shtator 2025
D.H

Pas një ecurie të dobët prej katër ndeshjeve pa fitore, Drita e ka marrë triumfin e parë këtë sezon në elitën e futbollit kosovar ku e mposhti Prishtinën e Re me rezultat 2-1.

Gjilanasit epërsinë fillestare e krijuan me Veton Tushën në minutën e 28-të të takimit, shkruan Arbresh.info.

Teksa rezultatin në 2-0 e dërgoi Arb Manaj në minutën e 62-të. Prishtina e Re tetë minuta para fundit ngushtoi epërsinë me golin e Patrick Friday Eze. Por deri në fund ata nuk arritën ta gjejnë golin e barazimit, dhe Drita mori fitoren e parë këtë edicion.

Në pesë ndeshjet e para Drita ka pesë pikë, kurse Prishtina e Re mbetet me gjashtë sosh.

Takimin e radhës kampionia e Kosovës e luan ndaj Ballkanit kurse Prishtina e Re luan derbin lokal me Prishtinën./Arbresh.info